《盂蘭跑》 2019

日期及集合時間：8月13日(星期二)
時間：晚上7點至9點30分
起點：中山紀念公園體育館
距離：約 6 公里
路線：中山紀念公園 -> 太平山街一帶 -> 折返回中山紀念公園

死亡係中國傳統文化嘅禁忌，農曆七月盂蘭節更被指唔好太夜番屋企，因為 …. … …… 撇除一切鬼怪嘅傳說，其實你有無認真諗過死亡係咩一回事? 盂蘭節又係咩黎架呢? 你又有無試過跑住講生死?

相隔1年，由「全城街馬」同「心繫心生命教育基金」舉辦嘅「盂蘭跑」又返嚟喇！今年已是第三年，我地繼續希望透過跑步用輕鬆手法去探討生死，與社會正面討論死亡嘅話題，推動「無忌無諱」、「好生好死」嘅文化觀念。

跑手將由領跑員分批帶領，在中、上環一帶遊走，全程約6公里，沿途跑經一些有關生死殯葬嘅Check Points，包括壽衣店、紙紮舖和盂蘭勝會等等。每跑到一個景點都需要停低、參與由義工導賞一些同生死有關嘅活動。最特別之處係每位跑手都會獲分配一個角色，分別是「臨終病人」、「長者」和「照顧者」，俾大家可設身處地去反思生死嘅意義。最後更會設有分組活動，邀請跑手分享是次活動經歷和感受。